Leita í fréttum mbl.is

Enn send áfram......

Fórum loksins til barnalæknisins í morgun með Sigga Kalla til að láta skoða hálsinn/hnakkann á honum og urðum við fyrir pínu vonbrigðum með þann fund. Auðvitað áttum við von á að fá einhver svör en því miður hafði hún (læknirinn) engin svör til að gefa okkur. Hún skoðaði Sigga Kalla í bak og fyrir, sá að hann er mjög slappur í hálsinum/hnakkanum en gat ekki gefið neinar skýringar, hvorki hvort það væri eitthvað að eða hvort vöðvinn væri bara slakur eftir fæðinguna og þyrfti aðeins auka tíma til að ná styrk. Þó eru góðu fréttirnar þær að honum fer fram og er farinn að halda haus í smá tíma í einu, en ennþá gerir hann ekki vissar hreyfingar eins og að draga höfuð að búk þegar togað er í hendurnar á honum. Eins vill hann ekki vera á maganum og lyftir lítið hausnum frá gólfi nema þá út á hlið.Siggi Kalli krúttbolla

Niðurstaðan er því sú að barnalæknirinn sendir núna beiðni til barnadeildarinnar í Randers (þangað sem við lentum með hann eftir fæðinguna) og þar verður hann skoðaður betur og örugglega myndaður og einnig sendir hún beiðni til sjúkraþjálfara hér í Horsens. En að sjálfsögðu er langur biðlisti á báðum stöðum þannig að við þurfum sennilega að bíða í mánuð eða lengur eftir tíma hjá þeim.
Það sem við getum gert er að halda áfram að láta hann vera sem mest á maganum (eins og hann elskar það eða þannig!!) og einnig setja eitthvað undir bakið á honum hægra megin til að hann halli alltaf hausnum til vinstri þegar hann sefur því hann leitar yfirleitt alltaf til hægri með höfuðið.
Svo nú er bara að bíða og sjá!!!

Barnalæknirinn vigtaði líka Sigga Kalla og mældi......og viti menn....hann er á mörkunum að sprengja kúrfuna á öllum sviðum. Er orðinn 7 kíló, 65 cm. og höfuðmálið 42. Semsagt algjör risi. Samsvarar sér vel en er LANGT yfir meðaltal í öllum þessum þremur þáttur þannig að hann dafnar mjög vel:) Er alveg hættur með magakveisu, er farinn að nota aðeins hendurnar, hjalar á fullu og brosir mikið.....algjört krútt:)


« Síðasta færsla | Næsta færsla »

Athugasemdir

1 identicon

Halló halló!!! Og eftir að heyra þessar tölur í vigtun og mælingu eru menn hissa á að það þurfi sterka hálsvöðva!!!!!! Þetta kemur allt saman  í rólegheitunum. En það er nú samt gott að vita að það er fylgst svona vel með honum.

Kveðjur amma Domma.

Amma Domma (IP-tala skráð) 24.9.2008 kl. 18:52

2 Smámynd: Kristbjörg Þórisdóttir

Gott að það sé vel fylgst með honum Sigga Kalla og mikið er hann nú heppinn að eiga svona flotta foreldra sem spá og spekúlera vel í öllu.

Knús úr Árósunum og hlakka til að sjá ykkur sem fyrst! Hann ætti kannski að lána mér smá af vaxtarkúrvunni sinni (mér veitir ekkert af að hækka aðeins í loftinu...) :)

Kristbjörg Þórisdóttir, 25.9.2008 kl. 20:47

3 identicon

Ohh alveg ömurlegt að fá enginn svör! :(
En samt gott að honum fer fram, hef fulla trú á að það haldi áfram þannig.

Og vá flottar tölur...hann er nátturlega ekkért smá flottur.

 Bk.Karen.

Karen Jóns (IP-tala skráð) 25.9.2008 kl. 20:57

4 Smámynd: Guðmundur Þór Jónsson

Vonandi fer þetta nú að taka enda. Siggi Kalli er hraustur drengur. En VÁ hvað hann er stór. Hafið það gott.

Guðmundur Þór Jónsson, 25.9.2008 kl. 23:22

5 identicon

Vonandi þurfið þið nú ekki að bíða lengi eftir að komast á næsta á stað með "risann".

 En Siggi Kalli er nú svo flottur og duglegur strákir að hann lætur nú ekki einhverja slappa hálsvöðva slá sig út af laginu! Hann er alltaf jafn glaður og góður. 

 Vina kveðjur frá "mini" bollunni hér í Egebjerg

 Steinka og Krummi

Steinka (IP-tala skráð) 26.9.2008 kl. 10:25

6 identicon

Sælar Berta mín, Siggi Kalli er stór og flottur strákur. gott að vera meðvitaður um vandamálið en horfðu á það þetta sérst strax og hann er ungur. Hann er byrjaður að halda haus það er byrjunin.

gangi ykkur vel

knús úr kópavoginum

Þórunn Guðrún Einarsdóttir (IP-tala skráð) 26.9.2008 kl. 19:24

7 identicon

Alltaf gaman að þurfa að sitja og bíða....eða þannig! Vonandi gengur þetta allt saman vel hjá ykkur :)

kærar kveðjur úr kalí!

Hulda og co. (IP-tala skráð) 27.9.2008 kl. 02:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hver er ég?

Berta María Hreinsdóttir
Berta María Hreinsdóttir

Er Húsvíkingur í húð og hár....gift byggingarfræðinema og eigum við tvo fallega stráka . Er þroskaþjálfi og bý í Horsens, Danmörku. Blogga um það sem mér dettur í hug hverju sinni, en sleppi pólítík og öðru sem ég hef takmarkaðan áhuga á!

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband