Okkar skylda......

Hver hefur ekki fengið samviskubit yfir að borða sig pakksaddan og henda mat í ruslið??? Allavegana hugsa ég til þeirra 18.000 barna sem deyja daglega úr hungri þegar ég ligg á meltunni eða "nenni" ekki að eiga afganginn af kvöldmatnum.

Erfitt getur verið að finna leið til að leggja sitt af mörkum, nema þá kannski á jólunum þegar markviss söfnun fer í gang en þá finnst mér það vera borgaraleg skylda hvers og eins að styrkja. Reyndar finnst mér að það eigi að taka tíund af launum allra í desember og setja í gott málefni en það er allt önnur ella.

Eitt hef ég gert í mjög langan tíma sem fær mig til að líða örlítið betur....ég fer á hverjum degi, stundum oft á dag, inn á heimasíðuna www.thehungersite.com  Á þeirri síðu er hægt að styrkja með því einu að klikka á músarhnappinn. Mörg málefni eru á þessari síðu og þarf að fara á milli þeirra til að klikka og styrkja þannig hvert og eitt málefni en fyrir hvert klikk gefa fyrirtæki að andvirði x mikils.

Einnig er hægt að kaupa ýmsan varning á þessari síðu til að styrkja enn frekar. Til dæmis rakst ég á hálsmen með merki einverfunnar, en með því að kaupa eitt svoleiðis á tæplega 15 dollara þá verða gefnir 25 bollar af mat.

Ég hvet ykkur til að kíkja á þetta og setjið efst í "favorites".....tekur enga stund á hverjum degi, kostar ekkert, en skiptir sköpum fyrir þá sem þurfa á því að halda.

Athugasemdir

[Bjögga (IP-tala skráð) 11.9.2007 kl. 12:04]

Þetta er brilljant, er nú þegar búin að fara þarna inn og gefa hverju málefni eitt "click". Gæti vel hugsað mér að vera í fullu starfi við að smella á þessari síðu, veitti sjálfsagt ekki af :-)

Ætla að breiða út boðskapinn, knús í krús ! 

[Anita Hólm, 11.9.2007 kl. 16:54]

Snilldarblogg hjá þér Berta. Maður á nú örugglega eftir að fylgjast með ykkur hérna..  Ég segi sama og Bjögga, er nú þegar búin að fara og gefa hverju málefni eitt click..  Gott mál Gangi ykkur vel í danaveldi...  Kv. frá Hú.  Anita

[Guðmundur Þór Jónsson (IP-tala skráð) 11.9.2007 kl. 22:42]

Hæ hæ. Þetta er frábært hjá þér Berta. Ætla sko að liggja mitt af mörkum. Ég hendi ALDREI afgöngum borða þá daginn eftir bara. Hafið það gott snúllur.

[Tómas Ingi Adolfsson, 11.9.2007 kl. 23:55]

Gott blogg- stórsniðug síða, eitthvað sem þyrfti að kynna betur fyrir fólki...

kv. Tommi 

[Kolbrún Jónsdóttir, 15.9.2007 kl. 10:08]

Mig langar í svona hálsmen:)

Minnir mig bara á TEACCH