Helv....verkfall!!

Ég tel mig hafa sýnt verkfalli ljómæðra mjög mikla þolinmæði og skilning en nú er ég orðin frekar pirruð. Ekki nóg með að ég hafi ekki fengið nema einn tíma hjá ljósmóður alla meðgönguna þá er búið að fella niður eina viðtalstímann sem ég átti að fá fyrir keisarann, sem by the way er eftir tæpar 3 vikur!! Búið var að boða okkur hjónin á upplýsingafund þann 17. júní til að ræða keisaramál og þar stólaði ég á að fá upplýsingar um hvað ég ætti t.d. að hafa með mér því ekki gilda sömu reglur hér og á Íslandi. Sem dæmi held ég að við þurfum að taka með okkur sæng og bleiur, en ég er samt ekki viss. Einnig stólaði ég á að vita hvort ég ætti að gera eitthvað sérstakt fyrir keisaramorguninn (skila blóði, þvagi......osfrv), enda aldrei farið í keisara áður, en samkvæmt þessu blessaða bréfi sem ég var að fá þá á ég bara að mæta beint í keisarann þann 2. júlí!!
Ég veit ekki með aðra, en fyrir mér er þetta þokkalegt óöryggi.....að hafa ekki farið til ljósmóður síðan á ca. 20 viku og svo bara beint í keisarann!! Ég á reyndar viðtal við svæfingarlækni á mánudaginn....spurning hvort hann geti gefið mér þær upplýsingar sem ég þarf, en sá tími er pottþétt ekki hugsaður fyrir svoleiðis spurningaflóð?

En svona að jákvæðari nótum.....vikan er búin að líða mjög hratt og hefur hún Guðrún María systurdóttir mín verið hjá okkur og hefur Hermann notið þess að hafa hana. Við höfum farið á ströndina, á leikvöll, í sund, á McDonalds og margt fleira. Í kvöld ætlar svo Erla systir og Sigga (eldri dóttir hennar) að koma til okkar frá Álaborg og vera í rúmlega sólarhring. Það verður því skemmtilegur dagur á morgun hjá okkur systrum með börnin okkar....stefnum á að fara í afmæli til Guðnýjar frænku og fleira:) Vá hvað ég hlakka til, enda ekki hitt systur mína í næstum heilt ár (svona utan við 5 mín. þegar Guðrúnu var "hent" út úr rútunni á sunnudag). 

Bið að heilsa í bili og góða helgi**

Athugasemdir

[Anna Gísladóttir, 13.6.2008 kl. 12:15]

Ja hérna Ég segi nú ekki meir ....... Gangi ykkur vel þegar að stóra deginum kemur

[Guðmundur Þór Jónsson, 13.6.2008 kl. 14:59]

Elsku Berta. Ég væri farinn á taugum ef ég væri þú. Vona að þetta gangi að þú fáir svörin hjá svæfingalækninum. Skemmtu þér vel með systir þinni. Hafið það gott.

[Alda (IP-tala skráð) 13.6.2008 kl. 21:03]

Sæl Berta mín!

Nú fer maður bara að kíkja hér inn daglega, enda styttist í næsta orm. Ég tek undir með vini þínum hér að ofan, væri sko farin á taugum ef ég væri ekki búin að fara nema einu sinni í mæðraskoðun. Sýnir manni í leiðinni hvað við hér heima höfum í rauninni góða heilbrigðisþjónustu, a.m.k. mæðraeftirlit.

Og bið að heilsa stóru systur. Verst að þið fáið ekki fleiri daga saman, en þið nýtið vel þá tíma sem þið fáið saman. Alltaf svo gaman að fá gesti í heimsókn.

[Alda aftur (IP-tala skráð) 13.6.2008 kl. 21:05]

Gleymdi að kveðja. Voðalega snubbóttur endir hjá mér :(

Kossar og knús í kotið.

Kveðja, Alda